Үрімжі қаймақ сататын жер ме?

Қытайдың қазақтар ең көп шоғырланған өлкесі Үрімжі екенін білсек те, осы бір мекен атауының мағынасын білмейді екенбіз. «Үрімжі» сөзі нені білдіреді?
Нұрбибі Қалбиева, Талдықорған
Еуразия құрлығының кіндігінде, Тянь-Шань тауларының солтүстік бөк­те­ріне орналасқан қаланың қазақтың ар­ғы-бергі тарихы және бүгінімен байланысы зор. Географиялық жа­ғы­нан алғанда, теңізден ең алыс жатқан қа­ла осы Үрімжі болса керек. Сондай-ақ жалпы жұрт саны 2 миллионнан асатын Үрім­жі – Қытайдағы ұлттар саны ең көп қалалардың бірі. Оның ішінде қы­тай, ұйғыр, дүңген, қазақ, моң­ғол,қырғыз қатарлы 47 ұлт өкілдері бар.
Бір қызығы, 1755 жылдан бері Чин үкі­метінің әскери бекіністі қа­ласына, кейін келе Шыңжаң өлкесінің ор­та­лы­ғы­на айналған бұл мекеннің ата­уы моң­ғол тілінен алынса керек. Ол тілде «үрім­жі» сөзі «қаймақ сататын жер» де­ген мағынаны береді екен. Бұл жай­лы қазақтың белгілі этно­гра­фы, мар­құм Жағда Бабалықұлы айтқан.