«Үлкен жиырмалық» қандай алаң?

Менің білгім келетіні, G20 құрылымының қатарына қай мемлекеттер енеді? Қазақстанның мүшелігі қарастырылған ба?
Берік, Алматы
G20 – әлем елдерінің ЖІӨ кө­лемі­нің 90 пайызын, сауда айна­лымының 80 пайызын алып жатқан әлемдегі ең ірі экономикалық елдер­дің бейресми форумы. «Үлкен жиыр­малық» форумын құру жөнін­дегі шешім G7-нің 1999 жылы 25 қыркүйекте Вашингтонда өткен Қаржы министрлерінің жиы­нын­да қабылданды. Он жылдай уақыт бұл алаң тек министрлердің жиы­ны ретінде танылса, 2008 жылдан бастап Мемлекет басшыларының саммиті деңгейіне көтерілді. Қазіргі уақытта 19 жекелеген мемлекетке және Еуроодаққа «Үлкен жиырма­лықтың» тұрақты мүшелері статусы берілген. Олар – Аргентина, Авс­тра­лия, Бразилия, Ұлыбрита­ния, Германия, Үндістан, Индонезия, Италия, Канада, Қытай, Мексика, Түркия, Ресей, Сауд Арабиясы, АҚШ, Франция, ОАР, Корея Респуб­лика­сы, Жапония және Еуропалық одақ. Жыл сайын тұрақты мүше елдер кезектесіп бұл құрылымға төрағалық етеді. 2009 жылы оған Ұлыбритания төрағалық етсе, 2010 жылы – Оңтүстік Корея, 2011 жылы – Франция, 2012 жылы – Мексика, 2013 жылы – Ресей. Ал Қазақстан «Үлкен жиыр­­­малық­тыің» биылғы саммитіне Кеден одағының, Бірыңғай эконо­ми­калық кеңістігінің, Тәуелсіз Мем­лекеттер Достастығының өкілі ретінде Ресейдің ұсынысымен шақы­рылып отыр. Мүшелік ту­ралы мәселе қозғалған емес.