Ұйқысыздыққа ұрынбаймын десеңіз, көңілді жүріңіз

Ұйқысыздық неден пайда болады және оның емі бар ма?
Мира Әлішерова, Алматы қаласы
Мамандардың айтуына қарағанда, «ұйқ­­­ысыздық» немесе «инсомния» тер­мин­дері ұйқы сапасының немесе уақытының бұзылуын білдіреді. Ол күндізгі психофи­зиологиялық жүйенің бұзылуы, күндізгі уақыттағы ұйқы­шыл­дық, үрей, назар кон­центра­циясындағы қиыншылықтар, естің әл­сіздігі, таңертең бастың ауруы, ар­те­риалды гипер­тензиямен қоса жүреді.
Ұйқы­сыздықтың этиологиялық фак­торлары әртүрлі – күйзеліс, невроздық жағдайлар, деп­рес­сия, ши­зо­френия, ішім­дік ішу, эн­док­ринді – зат алмасу ау­рулары, мидың ор­ганикалық бұзылыстары, ауырсыну, ұй­қы кезіндегі патологиялық синдром. Ұй­қы­сыздықтың клиникалық белгілері:
– Пресомниялық – 30 минуттан жо­ғары болатын ұйқы басталу уақытының ұзаруымен жүретін қиын ұйқының болуы;
– Постсомниялық (кеш) – зардапты ер­те ояну, онда науқас ұйқы қанбағанын се­зініп, әрі қарай ұйықтай алмайды.
Егер үш түн қатарынан ұйқының субъ­ек­тивті ұзақтығы бес сағаттан аз болса немесе сапасы бұзылса, бұл – ұйқысыздықтың белгісі. Пресом­ниялық ұйқысыздықта баяу ұйқының І және ІІ стадиясынан сергектікке жиі өтулер пайда болады. Интра­сом­ния­лық ұйқысыздығы бар пациенттерде баяу ұйқы терең ІІІ және ІV ста­диялардың азаюымен беттік регистрге ауысады.
Ұйқысыздық көз ауруына әкеліп соқтырады. Сондықтан дертіңізге дерт қосып алмас үшін жедел дә­рігерге жүгінгеніңіз абзал.