Ұйқының шалалығынан салмақ арта ма?

«Ұйқы қанбаған жағдайда да адамда артық салмақ пайда болады» деп естіген едім. Шынымен де солай ма?
Нұрсәуле ОРЫНБЕКҚЫЗЫ, Тараз қаласы

Ұйқының қанбауы, шынымен де, артық салмақтың пайда болуына апа­рып соқтыруы мүмкін. Бұл процесте ұй­қы кезінде түзілетін және адамның тә­бетін жүйелейтін екі гормонның ма­ңызы зор. Олар – майдың ыдырауы мен ашығу сезімін реттеп отыратын гре­лин, сондай-ақ ағзадағы майдың тү­зі­луін және тәбеттің төмендеуін рет­теп отыратын лептин болып табы­ла­ды.
Жуық арада жүргізілген зерттеулер нәти­жесіне жүгінсек, қатарынан екі түн бойы төрт сағаттан ғана ұйықтаған адам­да грелин гормонының түзілуі 28 па­йызға артып, ал лептиннің түзілуі, ке­рі­сінше, 18 пайызға төмендейді екен. Былайша айтқанда, шала ұйқы тә­бет­тің артуына ықпал ететін гормон­дар деңгейін арттырады. Соның салда­ры­нан адам тез толып, салмағы да мейлінше артады.