Түс неге есте қалмайды?
Адам өмірінің 10 пайызы түс көрумен өтеді. Алайда оның басым бөлігі есте қалмайды. Мұның себебін Massaget.kz басылымы іздеп көрді.
Басылым таратқан ақпаратқа сәйкес, кез келген адам ұйқының үштен бір бөлігінде түс көреді екен. Зерттеушілер түс адамның өңінде көргенін қайталау жұмысын ғана атқармайтынын айтып отыр. Олардың сөзінше, түс адам ағзасы үшін өте маңызды. Себебі адам ұйқыға кеткенде ми көру қыртысының жұмысын тоқтатпай, түс көру арқылы белсенді формада ұстайды. Көру қыртысының белсенділігі төмендегенде мидың бұл бөлігі тактильді және дыбыстық ақпаратты өңдеуге көшеді. Бірнеше сағатта көру қыртысы жұмысын толықтай өзгертуге қауқарлы. Сол үшін ми түс көру арқылы көру қыртысын жұмыс істеуге итермелейді. Нәтижесінде ұйқыдан тұрғанда көрген түсіміздің басым бөлігін ұмытып қаламыз. Әдетте адам жылдам ұйқы фазасына өткенде жиі түс көреді. Бұл уақытта адам ағзасы белсенді болып, ми оянуға дайындалады. Бұған қарамастан жылдам ұйқы фазасында ояну қиынға соғады. Адам жасы ұлғайған сайын жылдам ұйқы фазасының уақыты азая береді. Осының себебінен қарт кісілер түсті сирек көріп, ұзақ ұйықтай алмайды.
Басылым мәліметінше, жылдам ұйқы фазасы әр 100 минут сайын қайталанады. Дәл осы уақытта түстің айрықша сәттері болады екен. Ал баяу ұйқы фазасында түс болғанымен адам оны есінде сақтай бермейді. Ал түстің есте қалу-қалмауы ұйқының сапасына байланысты болып табылады. Естеріңізге сала кетсек, осыған дейін Бейжің ауруханасының клиникалық психология бөлімінің бас дәрігерінің орынбасары Ши Хуэй "Хуаньцю Шибао" басылымына берген сұхбатында тез ұйықтаудың қарапайым тәсілдерін айтқан еді.
Massaget.kz
