Тұңғыш театр қашан ашылды?

Дүниежүзіндегі тұңғыш театр қайда ашылған? Және ол театрлар қандай болған?
Нұртай НҰРБОЛАТ, Қызылорда
Тұңғыш театр Грецияда діни салттарды орындау үшін ашылған. Иман келтіргендер шымнан жа­сал­ған дөңгелек сахнадағы Дианистің алтарін ай­на­лып билеген. Әдетте, көрермендер бишілерді ер­кін көруі үшін сахна дөңнің етегінде орналасқан. Бұл шең­бер бойымен айнала орындары бар дәс­түрлі грек театрларының бастамасы еді. Грек сө­зі­нен шық­қан «театр» сөзінің өзі «шолуға арналған орын» дегенді білдіреді. Афиныда б.э.д. 500 жы­­лы салынған театр дөңгелек әрі партер деп атал­ған. Гректер декорацияны пайдаланбаған, се­бе­бі пье­салар күндіз көрсетілгендіктен,  жасанды жа­рық беруге жүгірмеген.
Римде тұңғыш тас театр б.э.д. 52 жылы са­лын­­ған. Рим театрлары грек театрларына ұқсас болды, бірақ олар тегіс жерге салынды. Римдіктер партерде бірінші болып орындық орнатқандар. Ал пьеса жоғары көтеріліп тұратын сахнада қойылса, артында экран тұрған.
Тұңғыш қазіргі заманғы театр Италияның Пар­ме қаласындағы Фарнези театры. Ол 1618 не 1619 жылы салынған. Оның сахнасы залға қа­рай орналаспаған, керісінше бір қабырғасының ал­дын­да тұрған. Көрермен залы мен сахнаны бір-бі­рінен бөліп тұру үшін шымылдық қолданған. Декорация да көрерменнің көзінше өзгермейді.