Тұмаудан арылғыңыз келсе, шалқан жеңіз

Жақында теледидардан шалқанның (редька) суық тиіп ауырғанда таптырмас ем екенін естідім. Жөтелді қайтару үшін қандай да бір көмегі бар ма?
Бақыт СМАҚОВА, Қарағанды облысы

Денсаулық сақтау мамандарының ай­­туын­ша, шалқан – түрлі микробтарға қар­сы тұ­ра алатын бірден-бір көкөніс. Ол, не­гізінен, суық тиіп ауырғанда қол­да­­ны­лады. Мәселен, тұ­мауратқан жа­ғ­дай­да немесе жөтелді қайтару үшін ор­та­сы шұңқырлап ойылған шалқанға бал құ­йып, 4 сағат жылы жерге қою керек. Дайын шырынды күніне 3 рет 1 ас қасықтан ішеді. Қақырық түсіру үшін қара шалқанды пайдаланған абзал. Рев­ма­тизм, радикулитпен сырқаттанған­дар­ға шал­қанның шырынын компресс ре­тінде қолдануға болады. Ол үшін шикі шал­қанды жіңішкелеп турап, қант сеуіп қоя­ды. Дайын өнімді 1 ас қасықтан әр са­­ғат сайын ішу керек. Айта кетейік, көмірсу, С,В1, В2 дәрумендері, калий, кальций, магний, фосфор, темір мен ор­ганикалық қыш­қылдарға бай көкөніс әсіресе қыс және көктем мезгілдерінде өте пайдалы екен.