Тоқыма өнеркәсібінің көшбасшылары қай елдер?

Мақта-мата, тоқыма, жүн мен жіп өнеркәсібі жөнінен әлемде көш бастайтын қай елдер?
Асылзат Еркешева, Жамбыл облысы
Ресейлік Fashionomica медиа­жоба­сы­ның мәлі­метінше, текстиль өндірісі жөні­нен Қытай әлем бойын­ша бірінші орында тұр. Тоқыма өнеркәсібі ел қазынасына жылына 170 млрд доллар табыс түсіреді. Дүние­жүзін тоқыма өнімдерімен қамтып отыр­ған басқа жетекші елдер Қытайдан әлде­қайда аз табыс түсіреді. Мысалы, текстиль бойын­ша әлемдік рейтингтің екінші орнын­дағы Үндістан жылына 24 млрд доллар табыс табады. Одан кейінгі орын­дарда Түр­кия, Бан­гладеш, АҚШ, Вьетнам, Пәкіс­тан, Индо­не­зия тұр. Аталған мем­ле­кет­терде мата өн­дірісі – ұлттық эконо­ми­ка­ның шешу­ші сала­сы. Тоқыма-мата өнім­дерімен әлемдік нарық­ты жаулаған елдердің қата­рында Бра­зилия, Австралия, Өзбекстан да бар. Әлем­дік дағдарыс пен ішкі саяси ахуал­ға бай­ла­нысты Грекия мен Сирия бұл жағы­нан бес жыл бұрынғы позицияларынан айырылған.