Токио әлемдегі ең үлкен қала

Уақыт өткен сайын әлемдегі қалалардың саны өсіп келеді. Қазіргі кезеңде дүниежүзінде ең үлкен қала қайсысы?
Жанар СЕГІЗБАЕВА, Алматы

Тарихқа көз жүгіртсек, әр ғасырдың өзінің үлкен қалалары болған. Мысалы, біздің жыл санауымыз бойынша 1 жылдан 350 жылға дейін Рим империясының аста­на­сы Рим қаласы ең үлкен қала санатында бол­ған. 350-650 жылдарда – Констан­ти­но­поль, 650-800 жылдарда – Таң импе­рия­сының Сиань шаһары, 800-1200 жыл­дары – Араб халифатына тиесілі Бағдад қа­ласы, 1200-жылдары – Сун им­перия­сы­ның Кайфын, 1300 – жылдары осы мем­ле­кеттің Ханчжоу қалалары, 1400 жылдары –  Мин империясының Нанкин орталығы, 1450-1825 жылдары – Цин империясының ор­талығы болған қазіргі Бейжің, 1825-1925 жылдары Лондон әлемдегі ең үлкен ша­һар болған екен. 1925-1965 жылдары АҚШ-тың Нью-Йорк қаласы алғашқы орын­да болса, 1965 жылдан қазіргіге дейін Жа­пония астанасы Токио дүниежүзі бойынша ең үлкен шаһар болып есеп­теледі.