Сүйінші! Хабарсыз кеткен жауынгер дерегі табылды

Менің атам  Көмекбай Қожабеков Ұлы Отан соғысына  аттанып, хабарсыз кетті. Қай жерде жерленгенін де білмейміз.  Хабарсыз кеткен жауынгерлерді іздестірудің жаңа әдістері бар ма? 
Дархан КӨМЕКБАЕВ, Алматы қаласы
Біз сіздің атаңыз туралы деректі таптық!  Ол үшін www.obd-memorial.ru  сайтын ашып, оған «Қожа­беков» деген фамилияны енгіздік. Атаңыздың есімі – «Қонақбай» деп жазылған екен. Мерт бол­ғандар туралы ақпар журналында атаңыз «1942 жылдың қараша – желтоқсан айларында  Сосково селосын қор­­ғау кезінде қаза тапты, сол ауылда жерленген» деп жазылған.  Интернет сайттарынан қара­сақ,  мұндай елді мекен Курск облысында бар екен. Жауынгер Қонақ­бай Қожабеков  101-атқыштар отряды сапында Отан қорғапты.
Жалпыландырылған мәліметтер базасы жобасы 2006 жылы құрылған. Онда 8,5 миллионға жуық жа­уын­гер туралы  мәлімет жинастырылыпты. Бұл құ­жат­тар Ресей Федерациясы Қорғаныс министрлігі Ор­­талық мұрағаты, өзге де мұрағаттар негізінде жинастырылған. Дерек қоры  мерт болғандар тізімі туралы ақпар, бауырластар моласы төлқұжаты, әскери тұтқындар құжаттары негізінде жасалған.  Кейбір фа­милия­лар қате жазылған болуы мүмкін,  мұны із­дестіру кезінде ескерген жөн. Сондай-ақ жоғалған жа­уын­герлерді  туған күні, айы, жылы, туған жері, соғысқа шақырылған әскери комиссариат, әскери шені  және соңғы қызмет орны  бойынша да іздестіруге болады.