«Сүгірдің термесі» түрікше сөйлеген байқау
«Түрковидение» қандай байқау? Ол «Евровидениенің» көшірмесі іспетті емес пе?
Маржан Қанай, Алматы
Turkvision не болмаса «Түрковидение» – «Евровидениеге» шығыс әлемінің қайтарған қарсы жауабы. Бұл байқаудың пайда болуына да түрткі болған – жыл сайын Еуропаның төріндегі ән додасына барып, өзіндік ерекшелігімен жұртшылықтың жүрегін жаулап алған түрік халықтарының мықты орындаушылар легі болса керек. Аты айтып тұрғандай, «Евровидение» батыс әлемінің әуендерін насихаттаумен қатар, Еуропа әлеміне жаңадан енетін жас дарынның бақ жұлдызын жандырса, бұл байқау бүкіл шығыс елдері, соның ішінде түбі бір түрік халықтарының ұлттық музыкасын дамытуға бағытталған.
Биыл Түркияның Памуккале қаласында өткен осы байқауға 30 елдің өнерпаздары атсалысты. Ал біздің елімізден бұл ән бәйгесінде «Кеш YOU» тобы қатысып, «Сүгірдің термесін» қазақ және түрік тілдерінде орындады.
