SMS-банкинг деген не?

SMS-банкинг – бұл мобильді телефондағы шағын банк деп жатады. Банктердің осы қызметі туралы білгім келеді.
Ақтоты Сүлейменова, Алматы облысы

Қазіргі кезде еліміздегі банктердің барлығы дерлік SMS-банкинг қызметін пайдалануды ұсынады. Сіз банк бөлім­шесіне бармай-ақ, мобильді телефоны­ңыз арқылы өз шотыңыздағы қаржыны бақылау мүмкіндігіне ие боласыз. Сон­дай-ақ төлем карточкаңыз бен қосымша карточкаңыз бойынша шығындар мен кірістеріңізді толық бақылай аласыз. Мобильді телефон арқылы тәулік бойы ақпарат алуға болады. SMS-банкингке қосылу кезінде сізге келесідей мүмкіндіктер беріледі: автоматты түрде төлем карточ­касымен жасалған операциялар туралы sms-хабарлар алу; банкоматтан қолма-қол ақшаны алу, қызметтерді, сатып алу­ларды төлеу, банктік аударым, жалақыны есептеу; депозиттегі қалдық; несие бо­йынша берешек; шоттағы қалдық; валю­таның ағымдағы бағамы; қаладағы бан­коматтар мен банк бөлімшелерінің ме­кенжайлары секілді ақпараттарды алуы­ңызға болады. Тағы бір уақытыңызды үнем­дейтін өте ыңғайлы қызметтің бірі – сіз мобильді телефоныңыздан sms-бұй­рық жіберу арқылы өз төлем карточ­каңыздан өз мобильді нөміріңізге және жақындарыңыздың нөміріне төлем жасай аласыз. SMS-банкинг қызметіне қосылу үшін сізде өзіңізге қызмет көрсететін банктің пластикалық төлем карточкасы және ұялы байланыс операторларына қосылған ұялы телефоныңыз болуы шарт. Сіз банкке ұялы телефоныңыздан элек­тронды өтініш жіберсеңіз немесе банкомат арқылы өтініш жасасаңыз, SMS-банкинг қызметіне автоматты түрде қосыласыз.