Сенімхаттың күшін қалай жоямын?

Біреудің атына сенімхат жазып бергеннен кейін ол адамның алаяқ екені немесе басқа да күмәнді істерге қатысы бары анықталса, сенімхаттың күшін қалай жоюға болады?
Нұржан РЕНАТОВ, Астана қаласы
ҚР Азаматтық кодексінің 170-ба­бының 2-тармағына сәй­кес, сенімхатты берген адам се­нім­хаттың немесе сенім ауысуы­ның күшін кез келген уақытта жоя алады, ал сенімхат берілген адам одан бас тарта алады. Мұны ес­кер­меген не одан бас тартқан адам­ның ісі заң­сыз болады. Сол себепті сіз алдымен құқық қорғау органдарына хабар­ласып, сенім­хаттың күшін жоятыны­ңызды ес­кертіңіз. Аталған заңның осы ба­бы­на сәйкес, сенімхат өз мерзімі өткенде, көздеген мақсатын ор­ындағанда, сенімхат беруші не бе­рілген адам одан бас тартқанда, сенімхат беруші мен алушының бі­реуі қайтыс болғанда, әрекетке қа­бі­летсіз деп танылғанда, хабар-ош­ар­сыз кеткенде және басқа да жағ­дайларда жарамсыз болып сана­лады.