Шахбокс деген қандай спорт?

Өткенде спорттық арналардың бірінен шахбокс деген спорт түрін көріп қалдым. Қызық болып көрінгенімен, ережесін аса түсінбедім. Хабардар етіп жібересіздер ме?
Әлішер Олжабай, Шымкент қаласы
Шахбокстың концепциясы ең ал­ғаш Франция сатиригі Энки Билал­дың комикс-романында дүниеге кел­ген. Бірақ оны іс жүзіне асырған голландиялық перформанс Ипе Ру­бинг еді. Билалдың әлгі шығармасын оқып, қуат алған Рубинг шахмат пен бокс­ты ұштастырып, шахбоксты өмір­ге әкеледі.
2003 жылы шахбокстан алғаш рет орта салмақ дәрежесінде әлем біріншілігі өтіп, Ипе Рубингтің өзі чемпион болған. Бүгінде Дүние­жү­зілік шахбокс ұйымы (WCBO) да бар.
Ал спорттың бұл түрінің ережесі мына­дай. Жекпе-жек 11 раундқа де­йін жалға­са­ды. Тақ раундтарда бокс­шылар жылдам шах­мат ойнаса, жұп раундтарда жұдырық­та­сады. Бір шах­мат раунды – 4 минуттан, ал жұ­ды­рықтасу раунды 3 минуттан тұра­ды. Жеңім­паз нокаут, техника­лық но­каут, мат, қарсыластың бері­луі не­ме­се шахматқа бе­ріл­ген уақыттың өтіп кетуі нәтижесінде анық­талады. Ал егер жұдырықтасу тең аяқталып, шахматта пат тіркелсе, онда қара фигурамен ойнаған боксшы жеңіске жетеді.