Сауықтыруға арналған жәрдемақы қалай төленеді?

Мен мектепте әлеуметтік педагог болып жұмыс істеймін. Осы жылдың сәуір айына дейін толық бір ставкамен жұмыс істедім. Сәуірдің 10-ынан бастап жарты ставкаға қысқартты. Еңбек демалысына шығайын десем, есепші «сауықтыруға арналған жәрдемақыны соңғы айдағы 0,5 ставкамен төлейміз» – дейді. Мен тоғыз ай толық ставкамен жұмыс істеп келдім. Осы дұрыс па?
Балжан Айсариева, Ақтөбе облысы
Еңбекті нормалау және еңбекке ақы тө­леу басқармасының сарапшы маманы­ның мәліметінше, ҚР Еңбек кодексінің 1-ба­бында азаматтық қызметшi – Қазақстан Рес­публикасының заңнама­сында белгi­ленген тәртiппен қазыналық кәсiпорын­дарда, мемлекеттiк мекеме­лерде ақылы штаттық лауазымда iстейтiн және олардың мiндеттерi мен функ­цияларын iске асыру және мемлекеттiк органдарға техникалық қызмет көрсетудi жүзеге асыру мен олардың жұмыс iстеуiн қамтамасыз ету мақсатында лауазымдық өкiлеттiктердi жүзеге асыратын адам деп белгіленген.
Азаматтық қызметшілер лауазым­дарының тізбесі Қазақстан Республикасы Үкіметінің 2007 жылғы 27 қыркүйектегі № 850 қаулысымен бекітілген (оның ішіне дә­рігер маманы кіреді).
«Азаматтық қызметшілерге, мемле­кеттік бюджет қаражаты есебінен ұсталатын ұйым­дардың қызметкерлеріне, қазыналық кәсіп­орындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 Қаулысына сәйкес азаматтық қыз­мет­шілерге, мемлекеттік бюджет қаражаты есе­бінен ұсталатын ұйымдардың қызмет­керлеріне, қазыналық кәсіпорындардың қыз­меткерлеріне еңбекақы төлеу жүйесі уақыт бойынша және/немесе кесімді еңбекақы төлеу жүйесі болып табылады деп белгіленген.
Осыған орай, Сіздің жағдайыңызда жыл сайынғы ақылы еңбек демалысы берiлген кезде лауазымдық жалақысы мөлшерiнде сауықтыруға арналған жәрдемақы 0,5 ставка мөлшерінде төленеді.