Шаймерденов қандай қызметтер атқарды?

Сафуан Шаймерденовтің жазушылығы, қоғам қайраткерлігі көп айтыл­ғанымен, ол кісінің өмірбаяны мен атқарған қызметі жайлы көп мәліметті біле бермейміз. Осы мағлұматтан бізді хабардар етсеңіздер екен.
Ұлбике Сағындықова, Астана қаласы
Жазушы, драматург, ҚР Халық жазушысы Сафуан Шаймерденов 15.04.1922 жылы Сол­түстік Қазақстан облысы Жамбыл ауданы Амангелді ауылында туылған. 1950 жылы ҚазМУ-ды (қазіргі әл-Фараби атындағы ҚазҰУ) бітірген. 1943-45 жылдары – Солтүстік Қазақстан облысы «Ленин туы» газетінде әдеби қызметкер, 1950-52 жылдары «Лениншіл жас» (қазіргі «Жас алаш») газетінің Қарағанды облысындағы тіл­шісі болды. Кейіннен «Әдебиет және искусство» журналында бөлім меңгерушісі, редактор­дың орынбасары (1952 -55), «Қазақ әдебиеті» газеті бас редакторының орынбасары (1955-56), Қазақстан Жазушылар одағында проза сек­ция­сының меңгерушісі (1956-58), одан кейін осы бөлімнің хатшысы (1961-63), «Мәдениет және тұрмыс» (қазіргі «Парасат») журналында бөлім меңгерушісі (1958-60), Қазақ КСР Мәде­ниет министрлігінде репертуарлық колле­гия­ның бас редакторы (1971-76) болып қызмет істеді. 1976 жылдан бірыңғай шығарма­шы­лық жұмыс­пен айналысты. Белгілі қаламгер, қазақтың арда ұлы Сафуан Шаймерденов 2007 жылы 23 ақ­пан­да дүниеден озды.