Сайлау комиссиясы мүшелерінің міндеттері мен құқықтары қандай?

Алдағы сайлау қарсаңында сайлау комиссиясы мүшелерінің міндеттері мен құқықтары қандай екенін білсек деп едік.
Жаннұр Қаныш, Тараз
Сайлау комиссиясының мүшесі: 1) тиісті сайлау комиссиясының отырыстары туралы, жедел шешім қабылдауды қажет ететін жағдайларды қоспағанда, 48 сағат бұрын хабардар етіледі; 2) сайлау комис­сиясының отырысында сөз сөй­леу­ге, тиісті сайлау комиссиясының құзы­ре­тіне жататын мәселелер бойынша ұсы­ныстар енгізуге және олар бойынша дауыс берілуін талап етуге құқылы; 3) күн тәр­тібіне сәйкес отырыстың басқа қаты­сушыларына сұрақ­тар қоюға және оларға мәні бойынша жауаптар алуға құқылы; 4) өзі құрамында тұрған сайлау комиссия­сының құжат­тары­мен және материалдарымен танысуға, олардың куәландырыл­ған көшірмелерін алуға құқылы; 5) өзі құрамында тұрған сайлау комиссиясы мүшелерінің төрттен үшінің дауысымен расталған уәкілеттігі бойынша төменгі тұрған сайлау комиссиясы қызметін тексеруді жүзеге асыруға құқылы; 6) ҚР Конституциясының, «Сайлау туралы» Кон­ституциялық заңның және өзге де заң­дардың талаптарын, жалпы, жұрт таныған әдеп нормаларын сақтауға міндетті; 7) өзіне жүктелген міндеттерді, сайлау комиссиясының және оның төра­ға­сының, жоғары тұрған сайлау ко­мис­сиясының шешімдері мен нұс­қауларын орындауға міндетті; 8) азаматтардың сайлау құқықтары мен заңды мүд­де­ле­рiнің сақталуын және қорғалуын қам­тамасыз етуге, шешiмдер қабылдау ке­зiнде әдiл және тәуелсiз болуға, сондай-ақ кандидаттар мен партиялық тiзiм ұс­ын­ған саяси партиялардың қызметiне жа­рия баға беруден аулақ болуға мiндеттi; 9) өзi өкiлi болып табылатын сая­си пар­тияның не өзге де қоғамдық бiр­лес­тiктiң шешiмдерiмен байланысты болмайды және олардың мүдделерiн қор­­ғауға құқығы жоқ.