Сәбилер қай тілде сөйлейді?
Тілі шықпаған екі сәбиді бірге отырғызып қойсаң, бір-бірімен сөйлесіп отырғандай уілдеп, дауыс шығарып ойнай бастайды. Сонда тілі шықпаған сәбилердің ортақ тілі бар ма, болса, олар қай тілде сөйлеседі?
Теңлік Еділхан, Алматы облысы
Лингвист ғалымдардың айтуына қарағанда, тілі шықпаған сәбилердің ортақ тілі жоқ. Барлық сәбилер өз ана тілінде дыбыс шығарады екен. Мұны ғылыми-зерттеу жүргізген неміс ғалымдары айтып отыр. Олардың айтуына қарағанда, тілі шықпаған сәбилер айғайлап дауыс шығарғанда, дыбыс ырғағы ана тілінің ырғағымен сәйкес келеді екен. Ғалымдар неміс сәбилері мен француз сәбилерін зерттей отырып, француз отбасында туған сәбилердің дауыс ырғағы француз тілінің ырғағы сияқты сөздің басынан соңына қарай өзгерсе, неміс отбасында дүниеге келген сәбилерінің дауыс ырғағы неміс тілінің дауыс ырғағы сияқты сөздің соңында өзгеретін көрінеді.
