Кейінгі кезде аты немесе аталуы бізге түсініксіз және беймәлім спорт түрлері көбейіп барады. Солардың бірі – рафтинг. Бұл қандай спорт? Аты да ештеңені меңзеп тұрған жоқ.
Қ.ОСПАНОВ, Алматы
Негізі, raft ағылшын тілінен аударғанда «плот» деген сөзді білдіреді. Ал «рафтинг» деген сөз екі мағынаны білдіреді. Біріншісі су ағысы мен спорттық немесе туристік үйлесімді сомдаса, екіншісі геологияға қатысты тау жынысы бөлшектерінің мұз көшкінімен тасымалдануын білдіреді. Ал рафтинг деген спорт түрінде спортшылар үрілген қайықпен ағысы күшті, иірімдері көп, тау етегіндегі өзен суымен жүзіп өтуге тырысады. Тасқыны күшті тау өзендеріндегі осындай қайықтарға 4-20 адам отырады. Спорттық жарыстарда, негізінен, бір командада (бір қайықта) 6-8 адам болады.
Рафтинг – Қазақстанға таңсық спорт емес. Бізде де әуесқойлар баршылық. 2005 жылы мамыр айында Қазақстан рафтинг федерациясы құрылды. Содан бері Қазақстан спортшылары халықаралық аренадағы ірі жарыстарға қатысып, жүлделі орындарға ілігіп жүр.
Рафтинг деген қандай спорт?
Последние статьи автора