ҚР ҰҚК органының талаптары қандай?

ҚР Ұлттық қауіпсіздік органының әскери қызметіне қалай орналасуға болады?
Шалқар Рақымбек, ШҚО 
Аталған қызметке жұмысқа тұруға  ынта білдірген азамат өзін үміткер ретінде қарастыру жөнінде тұрақты тұрғылықты жеріне қарасты ҚР ҰҚК органының басқа­ру­шысы атына өтініш (рапорт) береді. Өті­ніш ерікті түрде толтырылады. Онда міндет­ті түрде үміткердің әскери қызметке рә­сім­делу шарттарымен танысқандығы және онымен келісетіндігі көрсетілуі тиіс. ҚР ҰҚК қызметіне немесе оқуға түсуші тұл­ғалар үшін бақылау нормативтері:  Ұлттық қауіпсіздік органына қызметке тұру ынтасы туралы өтініш; жеке басты куәландырушы құжат (төлқұжат, ҚР азаматының жеке бас куәлігі, офицердің жеке бас куәлігі т.б); тиісті тәртіп бойынша куәландырылған еңбек кітапшасының көшірмесі; әскери билет немесе тіркелу куәлігі; туу туралы куәлік; тиісті тәртіп бойынша куәландырыл­ған кәсіби немесе басқа білімін растайтын құжаттардың көшірмесі; тиісті тәртіп бо­йын­ша куәландырылған некеге тұру туралы және балаларының туылғаны туралы құжаттардың көшірмесі; жақын туысқан­дарының өлгені туралы куәліктер көшір­месі; СТН куәлігінің көшірмесі; мүлік және табыстары туралы мәліметтер; суреттер. ҚР ҰҚК органының басшысы әскери қызметкердің мәлімдемесін қарастырады (азаматтық тұлғаның өтініші) және бір ай мерзім ішінде ол жөнінде шешім шыға­рады. ҚР Ұлттық қауіпсіздік органына қызметке  тұрушы ол берген мәліметтердің барлығы (сонымен қоса жақын туысқан­дары жайлы) тыңғылықты тексерілетінін білуі тиіс. Ұлттық қауіпсіздік комитеті себептерді түсіндірмей рәсімделу деңге­йі­нің кез келген кезеңінде үміткерді қыз­метке қабылдамау жайлы шешім қабыл­дауға құқылы.