Қор қалай құрылады?

Жұбайымыз екеуміз кәсіпкерміз. Алдағы уақытта қолда бар біраз ақшаны салып, қайырымдық қорын ашсақ деп едік. Қор қызметі туралы аз-кем мағлұмат берсеңіздер.
Нұрбек Рахметолла, Атырау қаласы

Азаматтар немесе заңды тұлғалар ерікті мүліктік жарналар негізінде құрған, әлеуметтік, қайырымдылық, мәдени, білім беру және өзге де қоғамдық пайдалы мақсаттарды көз­дейтін мүшелігі жоқ коммерциялық емес ұйым «қор» деп танылады.
Қор қызметінің мақсаттары қо­ғамға пайдалы болуға тиісті. Қор­дың мүліктік базасы ерікті мүліктік жарналар, құрылтайшылардың түсім­дерін қосқанда, қайырымдылық кө­мек, гранттар, демеушілік көмек негі­зінде қалып­тасады. Қоғамдық қорлар құрыл­тайшылары ретінде азаматтар не­ме­се заңды тұлғалар болуы мүм­кін. Құрылтайшылар құрамына бай­ланысты қорлар келесі түрлерге бөлінеді: корпоративтік, қоғамдық, және мемлекеттік. Корпоративтік қор бір немесе бірнеше заңды тұл­ғалармен құрылады. Бір отбасының мүшелері саналмайтын азаматтармен және заңды тұлғалар – қоғамдық бір­лестіктермен құрылған қор қоғамдық қор деп танылады. Ал мемлекеттік қор мемлекеттік органдар шешімі бойынша құрылатынын айта кету керек.
Әдетте қордың қамқорлық кеңесі қатарына лаузымды тұлға болып табыл­майтын немесе штаттағы қыз­меткер­лерге жатпайтын бөтен тұлғаларды шақырады. Заң құжаттарында ондай талап жоқ, бірақ қордың қамқорлық кеңес мүшелерінің басым көпшілігі өз­ара неке немесе туысқандық байланыс­тары және осы қордың штаттық қызметінде болмау керек. Қор басшысы және ес­епшісі өзара неке, жақын туыстық қаты­настарда болмауы тиіс.