Қоқыс та зерттеуді қажет етеді

Гарболог деген мамандық бар екен. Олар не істейді?
Әсел МИРАСҚЫЗЫ, оқушы
Гарбология – өзімізге белгілі эко­ло­гия ғылымының бір тармағы. Ағыл­шынның «garbage» сөзінен шық­қан, тұрмыс қалдықтары деген мағы­наны білдіреді. Демек, гарболог – қоқыс­тану саласындағы маман. Олар қоқыс­тың құрамын зерт­теп, қалдықтардың бір-бірімен және қоршаған ортамен қандай бай­ланыс­қа түсетінін анық­тайды. Оларды жоюдың қауіпсіз тәсіл­дерін іздесті­реді. Көптеген қоқыс үйінділерін зерттегенде, тұрмыс қал­дықтарынан басқа бұл жерде радиоактивтік және өнеркәсіп қалдықтары, сондай-ақ сынап, қорғасын, күшәла сияқты қауіпті заттар ұшырасады. Белгілі бір жағдайда олар бір-бірімен химиялық реакцияға түсіп, өртеген кезде ауаға зиянды қалдықтарды таратады.
Қоқысты жою – ұзақмерзімді көп сатылы жұмыс. Қазіргі кезде қоқыс жою мәселесі жаһандық деңгейге көте­рілген. Тығырықтан шығудың жолы ретінде гарбологтар қоқыс өң­деу зауыт­тарын салуды ұсынған еді.