Қазіргі заманғы ұлттық әдебиеттану қалай дамыды?

Тәуелсіздік жылдарындағы ұлттық әдебиеттану ғылымының негізгі бағыттары қандай болды?
Серік Қайсаров, Ақмола облысы
Филология ғылымының докторы Гүлзия Пірәлиеваның еңбектері бойынша саралайтын болсақ, қазақ әдебиеттану ғылымының даму бағыттары кеңестік биліктің ұлттық әдеби мұраларға жаңаша көзқараспен қарауға ықпал еткен 1988 жылғы қаулысынан бастау алады. Бірін­шіден, ұмыт болған немесе кезінде наси­хат­тауға тыйым салынған әдеби мұралар жаңғырып, жарыққа шыға бастады. Осы жұмыс жүйелі түрде қолға алынды. Қазақ әдебиеті тарихы бұрындары өз дәуіріндегі орнынан әділетсіз түрде ажыратылған көркем дүниелермен және жаңа ғылыми-зерттеулермен толықты. Екіншіден, 1991 жылдан бастап, ұлттық сөз өнерін жаппай кеңестік идеологиясыз зерттеп, зерделеуге жол ашылды. Бұрын социалистік идеялар тұрғысынан ғана бағаланған шығарма­ларға, жалпы, сөз өнері мен ұлттық мүдде тұрғысынан қарау басталды. Үшіншіден, кезінде ойдан шығарылған, саясатқа бай­ла­нысты әдіптелген, цензураға ұшыраған әдеби-сыни зерттеу еңбектерін лайықты бағалау жолға қойылды. Кейінгі басым бағыт жаңа заман әдебиеттану­шыларын қалыптастыру болды.