Қазақстан халқының бірлігі күні қалай тойланады?

1 Мамыр – Қазақстан халқының бірлігі күні мерекесі Алматыда қалай тойланады? Мерекелік шараларды тамашалау үшін қай алаңға шыққан дұрыс?
Мейрамбек ҚАМБАРОВ, Алматы қаласы
Алматы қаласында биылғы мереке «Ортақ аспан астында бір отбасы» деген ұранмен өтеді. Басты мерекелік шара «Астана» алаңында болады. Бұл жерде өтетін концертке Құрман­ғазы атындағы ұлт аспаптары мемлекеттік ор­кестрі, «Сазген сазы» фольклорлық-этног­рафиялық ансамблі, «Салтанат» еңбек сіңірген би ансамблі, «Таңсәрі» мюзик-думан театры, түрлі ұлттық-мәдени орталықтардың шығар­машылық ұжымдары қатысады. Мейрам Республика сарайы алдындағы Абай алаңында, С.Сейфуллин атындағы саябақта, М.Ганди атындағы гүл бағында, «Айнабұлақ» ықшамау­данының саябағында, «Мега Орталық» сауда-ойын-сауық орталығы алдындағы алаңқайда, «Фэмили» саябағында да тойланады. «Фэми­лиде» кешкісін эстрада жұлдыздарының қаты­суымен үлкен концерт өтеді.