Қазақстан қандай экономикалық одақтарға мүше?

Еліміз Тәуелсіздік алғалы қандай саяси-экономикалық одақтарға мүше ретінде қабылданғанын білгім келеді.
Кеңес, Астана қаласы
Әлемдегі мемлекетаралық экономикалық одақтар ХХ ғасырда кең өріс алғаны белгілі. Мә­селен, оның көрінісі ретінде Батыс Еуропа эко­но­ми­калық одағын айтуға болады. Қазақстан Тәуел­сіздік алғаннан бері бірнеше мемлекет­аралық эко­номикалық одақтарға мүше болып кірді. Мәселен, олардың ішінде Кедендік одақ, Шанхай ынты­мақ­тастық ұйымы (2001), Еуразия эконо­ми­калық одағы (2002), Орталық Азия ын­ты­мақ­тастық ұйы­мы (2004) бар. Қазақ­стан­ның және осы одақтар құрамына енетін басқа да мем­ле­кеттердің алға қойған негізгі мақсаты – алыс-жақын көрші елдер­мен арадағы эконо­микалық қарым-қатынасты ны­ғайту, сыртқы сауда-сат­тықты дамыту, аймақтағы тұрақтылық­ты, қауіп­сіздікті, өзара тиімді байла­ныстарды қамтамасыз ету, ішкі реформалардың іске асы­рылуына қолай­лы жағдай туғызатын сырт­қы ор­таны қалып­тас­тыру. Олар ағымдағы мәселе­лер­мен қатар, келе­шек­тегі күрделі мәселелерді де шешуге күш салады.