Мұқағали Мақатаевтың мұрасын зерттеп, халыққа ұсынып отыратын «Мұқағали» деген журнал бар екенін білеміз. Осы ретте білгім келгені, биыл «Қасым» әдеби журналы шығарылды ма?
Қамбар Жұмағалиұлы, Астана
Ақын тойының қарсаңында Қарағандыда «Қасым» атты республикалық әдеби-қоғамдық журнал жарық көрмекші. Екі айда бір рет жарық көретін журналдың құрылтайшылары – Қарағанды облысы әкімдігі мен қазақ әдебиетін қолдау мақсатында құрылған «Ақсораң» қоғамдық қоры. Қыркүйектің 9-ы күні мерейтойға қатысты Е.Бөкетов атындағы университетте журналдың тұсаукесері өткізілмекші. Ал журналдың алғашқы санында Қасым туралы замандастары мен қаламдастарының естеліктері, ақынның жырлары, аудармалары топтастырылады. Сондай-ақ бірқатар танымал қаламгерлердің өз шығармалары, жас ақындардың өлеңдері, әдебиеттанушылардың, өнертанушылардың зерттеу мақалалары жарық көреді. Мерейтой өткізілген бетте журналға келер 2012 жылға жазылу ұйымдастырылмақ.
«Қасым» журналы жарық көреді
Последние статьи автора