Қарбыз өсіруден кімдер алда?

Қарбыз өндіруден көш бастайтын қай елдер? Дүниежүзіндегі ең алып қарбыз қай елде өсірілген?
Асылбек Қасымов, Ақтөбе қаласы
БҰҰ Азық-түлік және ауыл шаруа­шы­лығы ұйымының мәліметінше, әлем­дік нарықтағы қарбыз өндіруші ірі ел­дер мыналар: Қытай, Түркия, Иран, Бра­зилия, АҚШ, Мысыр, Ресей, Мек­сика және Өзбекстан. Қытай жылына шамамен 62 млн тоннадан артық қарбыз өндіреді. Оңтүстіктегі көршіміз – өзбек елінің жыл сайын өндіретін қарбызы 840 мың тоннаға жуық. Мысырда соңғы жылдардағы саяси-әлеуметтік дағдарыстарға байланысты қарбыз өндірісі біршама кеміген. Қар­бызға қатысты қызықты дерек – Гиннес­с­тің рекордтар кітабына салмағы 119 келі болатын қарбыз тіркелген. Әлемдегі ең алып қарбыз саналатын бұл өнім Әзірбайжанда өсіріліпті. Бұл көкөніс қарбыздың каролина-кросс аталатын сұрпына жатады.