Қар адамы өмірде бар ма, жоқ па?

Қар адамы туралы аңызға бергiсiз әңгiмелер әлемнiң түк­пiр‑түкпiрiне таралған. «Қар адамын көрдiк» деушiлер де бар көрінеді. Расында, дала кезген әлгіндей кісікиіктер өмірде бар ма?
Зауыт ӘЛІМОВ, Өскемен қаласы
«Көрдік» деушілерге сен­сек, кiсiкиiктің 2-4 метрлiк бойы бар, денесi еңгезердей әрi түк басқан, қолы ұзын, мойны қысқа, бет‑әлпетi қа­ра түстi дейді олар. Гималай, Қытай, Сол­түстiк Америка, Авс­т­ралия, Африка, Индоне­зия, Бирма, Малайзия, Пәкiстан, Моңғолия, Ресейдің Кавказ бен Кузбасс аймақтары және Оңтүстiк Америка жер­ле­рiнде «қар адамын кез­дестiр­дiк» деген тұрғындар көп‑ақ. Алайда ғылым осы күнге дейiн «қар адамы бар не жоқ» деп кесiп айта алмайды. Себебi оның бар екенiне дәлел бола алатын бас қаңқасы немесе сүйек қалдықтары жоқ. Ал бiрақ кiсiкиiктiң түгi мен iздерi бар. Дегенмен ғалымдар қар адамы туралы алыпқашпа әңгi­мелерге қарап, тұрғындар кез­дестiрген белгiсiз тiршiлiк иесiн гоминидтердiң ұрпақтарына жат­қызады. Кезiнде КСРО Ғы­лым академиясының бiр топ ғалымдары қар адамын неан­дертальдықтың деградация­ланған түрi деп тұжырым жасаған. Ендi бiр зерттеушiлер кiсiкиiктi бөгде ғалам­шар­дан келген тылсым күш иесi деп есептейдi.