Қанша көлемге дейінгі ақшаны алып шығуға болады?

Бұрын-соңды шетелге шығып көрген емеспін. Жаңа жұмысқа ауысқалы бері шетелдерге қысқа мерзімді іссапарлар жасауға тура келеді. Менің білгім келетіні, Қазақстан аумағынан қанша көлемге дейін ақша алып шығуға рұқсат етіледі?
Рахат Ізмағанбетов, Алматы қаласы
ҚР Сыртқы істер министрлігі мамандары­ның түсіндіруінше, Қазақстан Республика­сынан 3000 АҚШ долларынан артық шетел валютасын алып бара жатсаңыз, оны декла­ра­цияда міндетті түрде жазып көрсету қажет. Қазақстан Республикасының азаматтары басқа елге 10 мың АҚШ доллары көлемінен аспайтын шетелдік қолма-қол валютаны құжатсыз алып өте алады.
Бұл сомадан артық валютаны алып бара жат­қан жағдайда оларды растайтын мына­дай құжаттарды көрсету қажет: айырбастау пункті­нің шетел валютасын сатып алғандығы жөнін­де анықтама-куәлік, банктік есепшот­тан ақша­ны шетел валютасымен алғандығы туралы құжаттар, шетел валютасын аударма арқылы алғандығы туралы банктік құжаттар, Қазақстан Республикасына алып кірген шетел валютасы туралы кедендік декларация. Басқа елге бар­ған кезде қанша көлемдегі ақшаны деклара­ция­да көрсетпеуге болатынын сұрап алу керек, себебі әр елде талап әртүрлі болуы мүмкін.