Қайық жүргізу құқығын қалай аламын?

Достарымыздың бірі жергілікті суқоймадағы демалыс орнына қайықпен серуендеу бизнесін енгізгісі келеді. Ол үшін қайық жүргізуге арнайы лицензия қажет пе? Қайда хабарласу керек?
Асылбек ЕРМЕКОВ, Ақтөбе қаласы
ҚР Көлік және коммуникация министрлігі мамандарының тү­сін­діруінше, шағын өлшемді су көліктерін басқару құқығына куә­лік берумен осы министр­ліктің Көліктік бақылау комитеті айна­лысады. Облыс орталықта­рында комитеттің аумақтық де­парта­мент­тері немесе басқар­малары бар. Қайық жүргізу құ­қығы ар­найы аттестациялық ем­ти­ханнан өткен соң ғана беріледі. Бұл сы­нақтың өтетін мезгілі туралы мә­лі­метті аумақ­тық органдардан алу қажет. Өтініш білдірушіден жеке басын куәландыратын құ­жаттар, су көлі­гінің құжаттары, тұ­тынушы­ның тұрғылықты же­рін­дегі ден­саулық сақтау меке­месі берген медициналық анық­тама (№ 083/У үлгі), 3 x 4 см өл­шемді үш фотосурет талап етіледі.