Қай құс басқалардан бұрын қайтады?

Көктемде құстардың өзгелерден ерте оралатыны қайсысы? Жалпы, құстардың қайтатын мезгілі қай уақыт?
Жанаргүл ҚУАНЫШЕВА, Алматы қаласы
Құстар туралы энциклопедиялық ең­бектердің мәліметінше, көктемде өзге құстарға қарағанда, ұзақ қарға ер­те қайтып келеді. Ұзақтар жерден қар кетпей тұрып келіп, ұя сала бастайды. Мұн­дай мезгіл шамамен ақпан айы­ның аяғынан сәуірдің ортасына дейін со­зылады. Сәуірде ұзақ балапандары пай­да болады. Тамақ талғамайтын құс бол­ғанымен, ұзақтардың ауыл шаруа­шы­лығы үшін пайдасы зор. Олар көк­темгі егіс жұ­мыстары басталған кезде жер жыртқыш тракторлармен жарысып, жер­дегі зиянкес жәндіктер мен олардың жұмыртқаларын теріп жейді. Ұзақ­тар­мен бірге қараторғай, бозторғай, шұбар шым­шық, қаратамақ сияқты құстар да ерте келеді.