Орманда да бүркіт бола ма?

Бүркіт көбіне таулы жерлерді мекендейді. Бірақ ол орманда да өмір сүреді деп естіп едім. Осы туралы қысқаша мәлімет берсеңіздер.
Ғабит, Қызылорда қаласы
Біздің елімізде бүркіттің он шақты түрі мекендейді. Олардың арасындағы кең тарағаны — қыран бүркіт. Ол — қасқырды да алатын, өте күшті, ірі денелі алып құс. Орта Азия мен Қазақстанды мекендейтін халықтар ежелден бүркіт салып, аң аулайды. Ең алдымен бүркітші бүр­кіт­тің бала­панын ұядан алады. Бұл –  өзі өте қауіпті кәсіп. Өйткені бүркіт өзінің ұясын жан аяғы баспай­тын биік қия жартасқа салады және аталық (шәулі) бүркіт пен ұябасар бүркіт өз балапан­дарын жанын сала қорғайды. Бүр­кіт көбіне елі­міздің оңтүстігіндегі мұзарт шың­дар мен қия жартас­тарды ме­кен­дейді. Олар Сібірдің ит тұмсығы өтпейтін қалың орман­дарында, сондай-ақ еліміздің еуропалық бөлігіндегі ормандар­да да кез­деседі. Орман бүркіттері ел­ден, жолдан аулақ алыс түкпір­лер­дегі кәрі ағаштың ұшар басы­на ұя салады. Өздері өте сақ. Адам көзі­не сирек шалынады. Тек күз­дігүні бала­пандары есейі­генде ғана бүркіт ұясы­мен топта­нып, шырқау биікте қалық­тап жүреді. Бірақ орман бүр­кіттері тау қыра­нына қарағанда әлсіздеу бола­ды.
Күн суығанда бүркіттер ұясы­нан алыс жаққа сапар шегеді. Жас бүр­кіт­тер қыста қоныс аудар­ған жаңа жерге тұрақтанып, келе­сі суық түс­кен­ге дейін осы өңірді мекен етеді. Ал енді кәрі аталық бүркіт пен ұяба­сар бүркіт өздері­нің түпкілікті меке­ніне қайтып орала­ды. Олар бұрынғы ұяларын жөн­деп, мұнда тағы да балапан басып шығарады.