Өмір сүруге ең қолайлы қай мемлекет?

Әлем бойынша өмір сүруге қолайлы мемлекеттердің рейтингісінде Қазақстан қай деңгейде тұр?Дастан ӘМІРЖАН, Алматы облысы

Әр жыл сайын өмір сүруге қолайлы мемлекеттер рейтингісін құрастырушы International Living журналы осымен қатарынан бесінші рет Францияны тізімнің төбесіне қойып отыр. Франция өз бәсекелестерінен халыққа қызмет көрсету орталықтарының жайлылығымен, тауар бағасының төмен болуымен, көңіл көтеру орталықтарының сапасымен, қауіпсіздік және экологиялық тазалығымен ерекшеленді. Алғашқы бестікке сондай-ақ, Жаңа Зеландия, Швейцария, Германия және Австралия мемлекеттері енді. Бұл тізімде АҚШ әдеттегідей 7-орында тұрса, көпшілікке үміт күттірген Британия биыл 25-орынға құлдилапты. ТМД аймағын жеке қарастыратын болсақ, Литва, Эстония, Латвия, Молдова елдері көш бастап тұр. Ал Қазақстанның күнкөріс минимумына 50 балл, экономикасына 44 балл, қоршаған ортаның қорғалуына – 65, азаматтардың бостандығына – 25, денсаулық сақтау саласына – 60, инфрақұрылымына – 52, қауіпсіздігіне 64, табиғатына – 27 балл беріп, мемлекет индексі 48 балды құрады. Ал көршілес жатқан Ресейдің өмір сүруге қолайлылық индексі 54 балды құраса, Қырғызстан, Әзірбайжан мен Тәжікстан – 51, Өзбекстан 49 балды көрсетті.