Мыстың әлемдік бағасы қанша?

Білейін дегенім, мыстың әлемдік бағасы төмендеді деген ақпарат рас па?
Дарын, Алматы қаласы
Алдыңғы қатарлы мыс биржаларында сейсенбі күнгі сауданың қорытындысы бойын­ша, расымен де, мыстың әлемдік бағасы төмендеді. Ұлыбритания мен Аме­ри­кадағы шикізат биржаларының сайт­тарында осындай ақпарат жарық көрді. Ақпарат көздерінің мәліметінше, мыстың алдағы айлардағы фью­чер­стерінің орташа құны Лондонда Lon­donMetalExchange (LME) биржа­сында LMECopperGradeA $9670,5 (-111)/тоннаны құрады. Нью-Йорк тауар бир­жасында (COMEX) алдағы айларда жеткізілетін мыс фьючерстерінің бағасы HGCopper келісімшартына $9650,74 (-167,55)/тонна болды. Жал­пы, мыс ба­ға­сына қатысты халықаралық Goldman Sachs банкінің алдағы үш жылда мыс баға­сы жоғары болады дегені белгілі. «Өйткені бұл металға деген әлемдік сұранысты қанағат­тандыруға қазіргі бар өнім өндіруші кәсіп­орындардың қуат­тылығы жеткі­ліксіз» деген болатын аталмыш банк сарап­шылары. Негізінен, халық­аралық са­рапшылар «болашақта мыс бағасы тұрақтылық табады» деген болжам айтуда.