Мүгедектерге қандай әлеуметтік көмек беріледі?

Менің қызым туа бітті І топ мүгедегі. Басқа адамның көмегінсіз өз бетімен жүріп-тұрып, тамақ іше алмайды. Сондықтан мен жұмыс істемей қызымды бағып-күтіп отырмын. Қазір жасы 22-де. Мүгедектік бойынша жәрдемақы аламыз. Осы орайда менің білгім келгені, мүгедектерге және оның күтушісіне мемлекеттен әлеуметтік көмек қарастырылған ба?
Нұрғаным ТӨЛЕГЕНОВА, Шығыс Қазақстан облысы
«Мүгедектердi оңалтудың кейбiр мәселелерi туралы» Қазақстан Рес­публикасы Үкіметінің 2005 жылғы  20 шілдедегі  № 754 қаулысына сәйкес, мүгедектерге және мүгедек-бала­ларға медициналық-әлеуметтік сараптау бөлімі әзірлеген медици­налық көр­сетімдеріне сәйкес мүге­декті оңал­тудың жеке бағ­дар­ламасының негізін­де жергілікті жердің бюджет қаражаты есебінен протездік-ортопедиялық бұйымдар, сурдо-тифло құралдар, кресло-арбалар, санаторлық-курорт­тық жол­дамалар тегін беріледі. Сон­дай-ақ  «Қазақстан Республика­сын­дағы жергілікті мемлекеттік басқару және өзін-өзі басқару туралы» Қазақстан Республикасының Заңы негізінде облыс, қала және аудан әкімдері, мен­­шік нысанына қарамас­тан ұйым­дардың, қоғамдық бірлес­тіктердің басшыларына өз құқығы мен құзыры шегінде әлеуметтік қорғауға мұқтаж азаматтарға әлеуметтік қолдау жөнінде қосымша шараларды бел­гілеу құқығы берілген. Осыған бай­ланысты, санаторлық-курорттық жол­дамалар беру, коммуналдық тө­лемдер  қызметтерін көрсету және мерекелік күндер шеңберінде кон­церт­тік бағдарлама­ларға шақыру, сонымен қатар материалдық көмек көрсету жергілікті атқарушы органдар арқылы жүргізіледі.