Моралите деген қандай термин?

Моралите деген қандай термин? Интернет бетіндегі әдеби шығарманы талдаған бір мақаладан кездестіргеніммен,  мағынасын түсіне алмадым.
Гүлжан СӘРСЕНОВА, Алматы
Французша morality, латынша moralis сөзі ХV-ХVІ ғғ өріс алған батыс-еуропалық театрдағы ғибратты алле­гориялық жанр. Ол сахнаға арнал­ған өлең айту түрінде өсиет айту, діни және философиялық тақырыпта жа­зылған. Бұл шығармаларда жағым­сыз іс-әрекет сыналып, ізгілік пен қа­йы­рым­дылық мадақталады. Морели­тенің бас кейіпкерлері – адамды өз уысынан шығармау жолында өзара қақтығысқан қайырымдылық пен зұлымдықты көрсететін аллегориялық бейнелер. Францияда пайда болып, кейін Англия, Испания, Италия, Гол­лан­­дия, Нидер­лан­ды т.б елдеріне тарады. Алле­гориялық кейіпкерлер М.Сервантес пьесаларында бой көр­сетті.  Бұл жанр­ды кез келген кейіпкер­дің қабылдауы қиын. Барлық мақсаты ақты ақ, қараны қара деуге негізделген жанрдың өміршең болуы да осы қарама-қай­шылыққа толы сипатында болса керек.