Миль өлшемін қолдануға қажеттілік бар ма?

Миль өлшемі туралы білгім келеді. Ол қанша шақырымға тең? Ғаламторда ол туралы мәліметтер әр жерде әр келкі. Елімізде мұндай өлшем бірлігі қолданыла ма?
Асқар, Алматы қаласы
«Миля» немесе «миль» – латын сөзі. Ежелгі дәуірден келе жатқан өлшем бірлігінің атауы «мың рет екі аттау» дегенді білдіреді. Оның өлше­мі де сол – әс­керилердің екі адымынан тұратын мың қадам. Дегенмен әлемнің түрлі мемлекетінде миль өл­шемі түрліше сипатта қолданылады. Соның ішінде кең қолда­ны­латыны – ағылшын немесе американ милясы: 1 миля 1760 ярдқа, 5280 футқа немесе 1609, 344 метрге тең. Өлшем бір­ліктерінің халық­ара­лық жүйесі бойынша (SI) әлемде ұзындықтың негізгі өл­шемі болып метр белгіленген. Ға­лымдардың айтуынша, миляны ха­лықаралық бірлік ретінде қа­был­дауға қа­жеттілік жоқ. Бұл бірлік көне, бейресми өлшем көр­сет­кіші ретінде оны ежелден қол­данатын халықтардың мәдение­тінде ғана өмір сүрмек.