Мемлекеттің басты белгілері қандай?

Мемлекет ұғымының аясы өте кең. Қарапайым тілмен айтқанда, мемлекеттің басты белгілері қандай?
Маржан, Алматы облысы
Кез келген мемлекеттің үш құрамды элементі болады: ел территориясы, халқы және саяси билігі. Мемлекеттің негізгі белгісі – егемендік. Мемлекеттің егемендігін, тә­уелсіздігін басқа мемлекеттер де ресми түрде мойындауға тиісті.
Мемлекеттің негізгі ұстанымдары:
1. Заңдар мен нұсқаулар қабылдау құқығы­ның болуы.
2. Мемлекеттің өз азаматтарын қорғауы үшін ашық және бірден-бір күш қолдану құқығының болуы. Себебі қоғамда күш қолдануға мемлекет­тің ғана құқығы бар. Мысалы, қылмыс жасаушы­ларды өз еркінен айыру құқы­ғы. Оны орындауға қажетті мемлекеттің арнаулы қарулы күштері болады. Бірақ күш қолдану тек заң арқылы жүр­гізілуі тиіс.
3. Жалпылық. Мемлекет өз аумағындағы (террито­рия­сындағы) адамдардың барлығын қамтиды. Осы мем­ле­кеттің азаматы болмаса да (мысалы, әртүрлі себеп­термен бас­қа мемлекет­тер­ден келгендер), мемлекеттің шекаралық шең­берінде болғаннан кейін оларға қам­қорлық жасалуы тиіс. Бұл жөнінде 1930 жылы Гаагада (Ни­дерланды) мем­лекетсіздікке (апатридизмге) қарсы халықаралық заң қа­был­данды. Бұл заңға сәйкес, мем­лекет территориясын­дағы жеке адам мемлекет қамқор­лығынан тыс қалмауы тиіс.
4. Салық – қоғамды басқару жұмысына жұмсалатын қор (бюджет) қалыптастыру үшін қажет қаржы.