Мемлекеттік стипендия кімдерге беріледі?

Жақында елімізде мәдениет саласындағы адамдарға мемлекеттік стипендия берілді. Оның талаптары қандай және оған ұсынысты кімдер жасай алады?
Ермек Бөлекбай, Тараз қаласы
Мемлекеттік стипендияларды берудің өзіндік талап-ережелері бар. Мәдениет саласындағы мемлекеттік стипендиялар Қазақстан Республика­сының құрметті атақтары мен мем­лекеттік наградаларына ие болған, шығармашыл қызметкерлерді және мәдениет қызметкерлерін, сондай-ақ Қазақстанның мәдениетін жасауға, сақтауға және дамытуға зор үлес қосқан дарынды шығармашыл жас қызметкерлерді мемлекеттік қолдау мақ­сатында жыл сайын беріледі. Шы­ғармашылық одақтар мен мәдениет ұйым­дары мәдениет сала­сындағы уәкілетті органға мемлекеттік стипендия алушыға берілген қолдау­хат пен шығармашылық мінездемені жолдай алады. Мемлекеттік стипен­дия­лар алуға мыналар: Қазақстанның халық жазу­шысы, халық әртісі, халық суретшісі, еңбек сіңірген қайраткері құрметті атақтары бар немесе әдебиет және өнер саласындағы мемлекеттік сыйлықтың лауреаттары болып табылатын; жаңа туындылар жасау және қазақ мәдениетіне үлес қосу үшін шығармашылық әлеуеті бар Қазақстан Республикасының азамат­тары үміткер бола алады.
Мемлекеттік стипендияны мәде­ниет саласындағы уәкілетті орган жа­нынан арнайы құрылған Мем­лекеттік стипендияларды беру жөніндегі комиссия қорытындысының негізінде Үкіметінің ұсынуы бойынша Мемлекет басшысы тапсырады.