Мемлекеттік рәміздерді қорлағандар қалай жазаланады?

Еліміздің мемлекеттік рәміздерін қорлағандарға заң бойынша қандай жаза белгіленген?
Диар ИСАНБЕКОВ, Алматы
«Қазақстан Республикасының Мем­ле­кет­тік рәміздері туралы» ҚР Конс­ти­ту­ция­лық заңының 15-бабына сәйкес, бұл заң­ның талаптарын бұза отырып, ҚР Мем­­лекеттік Туын, Мемлекеттік Елтаң­ба­сын және олардың бейнелерін пайдалану, сон­дай-ақ ҚР Мемлекеттік Әнұранын орын­дау және оның мәтінін пайдалану, не ҚР Мем­лекеттік рәміздерін қорлау Қазақ­стан Республикасының заңдарында бел­гі­лен­ген тәртіппен жауаптылыққа әкеліп со­ға­тыны жазылған. Сондай-ақ Қазақстан Республикасының Қылмыстық кодексінің «Басқару тәртiбiне қарсы қылмыс» деп ата­латын 14-тарауының «Қазақстан Рес­пуб­ликасының Мем­ле­кет­тiк Туын, Мем­лекеттiк Елтаңбасын немесе Мемлекеттiк Әнұранын қорлау» деген 317-бабына сәйкес, Қазақстан Респуб­ли­ка­сының Мемлекеттiк Туын, Мемлекеттiк Елтаң­ба­сын немесе Мем­лекеттiк Әнұранын қорлау  200 айлық есептiк көрсеткiштен 1000 айлық есептік көрсет­кiш­ке дейiнгi мөлшерде айыппұл салуға не бір жылға дейiнгi мер­зiмге бас бос­тандығын шектеуге, не дәл сол мерзiмге бас бос­тан­ды­ғынан айыруға жазаланады. Сонымен қатар Әкімшілік құқық бұзушылық туралы кодекстің 354-1-бабы бойынша: 1. Жеке және заңды тұлға­лар­дың ҚР Мемлекеттiк рәміздерін заңсыз пай­далануы ескерту жасауға немесе айлық есептiк көрсеткiштiң 50-ге дейiнгi мөл­ше­рiнде айыппұл салуға әкеліп соғады.
2. Мемлекеттiк рәміздерді пайдалану мiн­деттi болып табылатын жағдайларда олар­ды пайдаланбау ескерту жасауға не­ме­се лауазымды адамдарға айлық есептiк көр­сеткiштiң 50-ге дейiнгi мөлшерiнде айып­пұл салуға әкеліп соғады.