Мектеп қарауылының жалақысы қалай есептеледі?

Мен мектепте қарауыл болып істеймін. Есепші менің жалақымды төмендегідей есептеп  отыр: біліктілік разряды – 1, коэффициент 1,39 17696,25*1,39=24597 – лауа­зым­дық жалақы, 24597*50%=12298 – экология, түнгі кезек уақыты үшін – 80 сағат. Осы дұрыс па?
Ерталап, Қызылорда облысы
Еңбекті нормалау және еңбекке ақы төлеу басқармасы маманының мәліметінше, ҚР Үкіметінің 2007 жылғы 29 желтоқсандағы № 1400 қаулысының 3-тармағына сәйкес, ұйым­дар қызметкерлерінің лауазымдық жалақы­лары (ставкалары) (ЛЖ) атқаратын лауазымда­рының лауазымдар санаттарына жатқызылуына және мамандығы бойынша жұмыс өтіліне, та­ға­йындалған біліктілік разрядтарына (жұмыс­шы­лар үшін) қарай лауазымдық жалақыларын (став­каларын) есептеу үшін бекітілген тиісті коэффициент­терді базалық лауазымдық жа­лақының (БЛЖ) мөлшеріне көбейту жолымен ай­қындалады.
«Күзетші (вахтер)» (1-разряд. Ауысым бо­йын­ша аға міндеттерін орындау кезінде – 2- разряд) кәсібі бойынша тарифтік-біліктілік си­­­пат­тама Бiрыңғай тарифтiк-бiлiктiлiк анық­та­­ма­лығының 1-шығарылымында көрсетіл­ген.
Жұмысшылардың лауазымдық жалақы­ла­­рын (ставкаларын) есептеуге арналған коэф­­фи­циенттер қаулыға 3-қосымшада беріл­ген.
Бүгінде БЛЖ мөлшері 17 697 теңгені құрайды.
Қаулыға 19-қосымшаға сәйкес, мемлекет­тік мекемелер мен қазыналық кәсіпорындар­дың қызметкерлеріне түнгі уақытта жұмыс істе­гені үшін кешкі сағат 22-ден таңғы сағат 6-ға дейін әр сағат үшін сағаттық ставканың 50%-ы мөлше­рін­де қосымша ақы төленеді.
Бұл ретте ауысымдық жұмыс кезiнде қыз­меткерге барлық нақты жұмыс атқарған саға­тына төлем жүргізілетіндігін атап өту қажет, яғни белгіленген лауазымдық жалақы (24 598 тең­ге) қызметкерге жұмыс уақытының ба­лан­сы­на сәй­кес, бір айлық нормаға төленеді. Егер қыз­меткер белгілі бір себептермен айлық нор­мадан артық қызмет атқарса, оған жалақы нақ­ты атқарған жұмыс сағаттарына үйлесімді төленуі тиіс.