Мәжіліс депутаттығына үміткер қандай құжаттар тапсырады?

Алдағы Мәжіліс сайлауында депутаттыққа кандидат өз партиясы атынан қандай құжаттар тапсыруға міндетті?
Айман Наурызбекова, Тараз
Тіркелгенге дейін кандидат және оның жұбайы (зайыбы) тұрғылықты жері бойынша салық органына табысы және мүлкi туралы декларация тапсырады.
Партиялық тізімдерді тiркеу мынадай құжат­тар болған жағдайда жүргі­зіледі:
Республиканың Әділет министрлігінде саяси партияның тіркелгені туралы құжаттың көшiрмесi қоса тіркелген, саяси партияның жоғары органы­ның партиялық тізімді ұсыну туралы хат­тама­сынан үзiндi көшірме;
азаматтың партиялық тізімге енгізуге келісімі туралы өтiнiшi;
партиялық тізімге енген әрбір адам туралы өмiрбаяндық деректер;
кандидаттың және оның жұбайының (зайы­бының) табысы және мүлкi туралы декларация тап­сырғаны туралы са­лық органының анықта­масы;
саяси партияның сайлау жарнасын енгiзгенiн растайтын құжат;
партиялық тізімге енгізілген адамның осы тізімді ұсынған саяси партияға мүшелігін растайтын құжат.
Тіркеуге бір саяси партиядан оған саяси партия­лар арасында бөлінетін депутаттық мандаттардың белгіленген санының 30 пайызынан аспайтын адам­дар саны енгізілген бір ғана тізім жіберіледі.