Соңғы кезде таныстарымның көбі көз ауруынан зардап шегіп жүр. Бірінің көзіне ақ түссе, екіншісінің көзі қыли болып қалды. Алысты көрмеу, жақынды көрмеу дегеннен басқа, тіпті көзі мүлдем көрмей қалғандары да бар. Менің білгім келгені, көз аурулары тұқым қуалай ма?
Марат, Шымкент қаласы
Бұл сұраққа Қазақ көз аурулары ғылыми-зерттеу институтының директоры, ҚР-дың бас офтальмологы Тұрсынгүл БОТАБЕКОВА жауап береді:
– Әрине. Көз ауруларының 15-25 пайызында тұқым қуалайтын бейімділік байқалады. Оларға рефракция ауытқулары, туа біткен катаракта, глаукома, тор қабығының пигментті абиотрофиясы жатады. Глаукома — көз ауруының ең асқынған түрі, қазақы тілмен жеткізсек, жанардың мүлде семуі — суқараңғылық. Глаукома тұқым да қуалайды. Демек, ататегінде көз науқасынан зардап көргендер болса, онда олар міндетті түрде дәрігерге тұрақты қаралып отырғаны жөн. Қалай десек те, жұртшылық жүрекке аса мән беретіндей, көзге де баса назар аударуы қажет. Кез келген адам жылына бір рет болса да офтальмологтың қабылдауында болып, дәрілерді тек дәрігерлік кеңестен кейін ғана қолдануы керек.
Көз аурулары тұқым қуалай ма?
Последние статьи автора