«Консьерж» деген кім?

Біз тұратын үйдің ауласында «консьерж» деп аталатын жұмысшылар бар. Олар не қызмет атқарады?
Асқар Есқалиев, Ақтөбе қаласы
«Консьерж» сөзі француз ті­лі­­нен аударғанда «есік кү­зе­ту­ші» деген­ді білдіреді. Өткен ға­сыр­­лар­да Еуропада қо­нақ­­үй­­­лер­дің мей­ман­­­дар­­­ды қар­сы алып, олар үшін так­­сиге не­месе театр билеттеріне тап­­сы­рыс бе­ру­ші қыз­меткерлері осы­­­лай аталған. Кон­­сьер­ждер ке­­­ңес дә­уіріндегі мей­ман­ха­на­лар­да да бол­ды. Олар тәртіп пен тазалық­ты бақылау міндетін ат­қар­ған. 2004 жылы сол кездегі рес­пу­блика ішкі істер министрі За­уытбек Тұ­рыс­беков қоғамдық тәр­тіпті қадағалау ісі­не консьерждер ин­ститутын ара­лас­тыруды ен­гіз­ді. Олар еңбек бир­жасында тұ­рақ­ты жұмыс ке­зе­гінде тұрған аза­мат­тардан ірік­тел­ді. Консьерждер учас­келік по­ли­цей­­лер­дің жұмысын же­ңіл­де­ту­ге, аулалар мен подъез­дер­де ты­ныш­тықты бақылап, түрлі қыл­мыс­тың ал­дын алуға ат­са­лы­сады. Бұл институттың жұмы­сы аз уа­қыт­тың ішін­де жақ­сы нәтиже бер­­ді. Бір ғана елор­­даның өзінде 500-ден астам консьер­ждің кө­ме­гі­мен по­ли­цей­лер бір жылда 800-ге жуық ірілі-ұсақты қыл­мыс­тың бе­тін ашты. Бірақ соңғы кез­­дері кон­сьер­ждердің жұ­мы­сы әлде­қайда бәсеңдеп кет­ке­ні шындық. Оған оларға төле­не­тін жа­лақының мар­дым­­сыз­ды­­ғы се­беп болса керек.