Каспийдің суы тасымай ма?

Каспий теңізіндегі су деңгейі қалай? Теңіз суының тасу қаупі жоқ па?
Айбар, Маңғыстау облысы
«Қазгидромет» кәсіпорнының мәлі­меті бойынша, наурыздың 16-сындағы өлшемге қарағанда, Каспийдің солтүс­тігіндегі, яғни еліміздің шекарасына қа­рай­тын аумағындағы Пешной, Жамбай, Қаламқас, Құлалы, Түлен аралы және бас­қа да тұрақтарындағы орташа су дең­гейі көрсеткіші минус 27,5 метрге сәйкес келеді. Бұл – қалыпты жағдай. Солтүстік Каспийде қазір мұз жабынының көктемгі еруі басталды. Жамбай бақылау тұрағы аумағында мұздың қалыңдығы 7 см, тоңның ені 0,1 шақырымға созылып жа­тыр. Пешной тұрағында ені 15 шақырым, қалыңдығы 12 см болатын мұз бар. Теңіздің шығыс жағалауындағы Қаламқас тұрағында мұздың жарылуы байқалған. Каспийдің Ақтау порты аумағындағы су деңгейі көрсеткіші Махачкала (Ресей) тұрағындағы көрсеткішпен сәйкес келеді. Мамандардың мәліметінше, Форт-Шев­чен­ко теңіз стансысы аумағында тығыз­дығы 6-8 балл болатын ұсақ мұздардың қалқуы байқалған.