Интерполдың міндеті не?

Интерпол жайлы көп естиміз. Бұл мекеме қай елдікі және ол қандай принциптер бойынша жұмыс істейді?
Нұрым АЛДАБЕРГЕНҰЛЫ, Қостанай облысы

«Интерпол» атауы – «Халық­аралық қылмыстық істер полицейлер ұйымы» деген атаудың (International Criminal Police Organization) қысқар­тылған түрі. Ол ешбір елдің меншігі емес. Ха­лықаралық ұйым болған­дықтан, мүше мемлекеттердің тең құ­ралы болып есептеледі.
ХХ ғасырдың басында-ақ негізі қа­лана бастаған бұл ұйым ресми түрде 1946 жылы бекітілді. Бүгінде оған 186 мемлекет мүше. Интерпол мүшелігінің көлемі жағынан БҰҰ-дан кейін екінші орында тұр. Негізгі мақсаты – ұйым құрамындағы елдер­ге тән құқық қорғаушы органдар ара­сында күш біріктіру. Интерпол қоғам қауіпсіздігін қамтамасыз ету мақ­сатын­да көптеген ауқымды шараларға ба­рады, атап айтқанда, халықаралық іздестіру жұмыстары, ел мен елдің арасындағы адам саудасын тоқтату, еларалық ұйымдасқан қылмыстық топтарды тұтқындау, есірткі тасыма­лымен күресу, экономика және жо­ғары технологиялар арқылы жасала­тын қылмыстарды әшкерелеу, жал­ған валюта мен құжат басып шығарушы қылмыскерлерді құрық­тау, терр­оризм­ге қарсы күрес де­гендей негізгі бағыттарда жұмыс істейді. Аталмыш ұйым діни, нәсілдер арасындағы, саяси, әскери істерге араласпайды. Орталық штаб-пәтері Францияның Лион қаласында ор­наласқан. Ұйым мүшелерінің жина­лысы әр жыл сайын бір рет өткізіліп отырады. Төрағасы төрт жылда бір сайланады.