Инклюзивті сыныпқа сабақ беретін мұғалімдерге үстемеақы беріле ме?

Мектепте оқытылатын инклюзивті сыныпқа сабақ беретін мұғалімдердің жалақысына 50 пайыз үстемеақы берілуі керек пе?
Мәдина ТОҚМҰРЗИНА, Ақмола облысы
Сарапшы маманның мәліметінше, азамат­тық қызметшілерге еңбекақы төлеу жүйесі «Азаматтық қызметшілерге, мемлекеттік бюд­жет қаражаты есебінен ұсталатын ұйымдардың қызметкерлеріне, қазыналық кәсіпорындар­дың қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 қау­лы­сымен реттеледі. Білім саласының қызмет­керлеріне еңбек жағдайлары үшін қосымша ақы мен үстемеақылар Қаулының 4-қосымша­сында белгіленген. Бейіндік бағыттағы жеке­леген пәндерді тереңдете оқытқаны үшін қо­сым­ша ақы Қаулының 4-қосымшасында белгі­ленген, оның ішінде жекелеген пәндерді те­рең­детіп оқытатын оқу орындарының (сынып­тардың, топтардың), жаңашылдық, экспери­мент­тік режимде жұмыс істейтін ұйымдардың (лицейлердің, гимназиялардың, техникалық лицейлердің, мектепке дейінгі және жалпы білім беру бағытындағы оқу тәрбие кешен­де­рі­нің), сондай-ақ балаларды тәрбиелеу шет ті­лінде жүргізілетін мектепке дейінгі балаларды тәрбиелеу және білім беру ұйымдарының бе­йіндік бағыттағы пәндер бойынша педагог қыз­меткерлеріне БЛЖ-дан 20 % белгіленген.