Гендерлік теңдік жөнінен ТМД-да тұғырымыз биік

Қазақтың дәстүрлі қоғамында ер мен әйелдің өз орны белгіленіп, тепе-теңдігі қамтамасыз етілген. Жаһандану кезінде еліміздегі ер мен әйел теңдігі қалай?
Маржан БЕКДІЛДАЕВА, Алматы

Еліміз биылғы Global Gender Gap 2010 рей­тин­гінде жыныстық теңдік жөнінен ТМД шең­берінде тек Молдовадан қалып қойды. Global Gender Gap 2010 тізіміндегі 134 елдің ішінен Мол­дова 34-тұғырдан көрінсе, Қазақ­стан қол жет­кізген меже 41-орын. Бізді өкше­леп келе жат­қан Ресей 45-орынды иеленсе, Қыр­ғызстан 51-інші, Украина 63-інші, Ар­мения 84-інші, Тәжікстан 89-ыншы, Әзір­бай­жан 100-інші орында. Айта кету керек, Бе­ло­рус­сия мен Өз­бек­стан соңғы мәліметтердің жоқтығынан бұл ті­зімге кірмей қалды.
Жыныстар теңдігі бойынша Исландия, Нор­­ве­гия, Финляндия және Швеция ал­ғаш­қы орын­дарға тұрақтады. Еуропа елдерінен Гер­­ма­ния 13-інші, Британия 15-тұғырды ба­ғындырса, Фран­ция 46-ыншы, Италия 74-інші орынға құл­дилады. Нә­зік­жан­ды­лар­дың табысы жоғары са­налатын АҚШ рей­тингте 19-орында. Айта ке­ту керек, ген­дерлік теңдік таразыға тартылған рей­тингте ер мен әйел арасындағы ресурстар мен мүм­кіндіктердің арасалмағы бірінші кезекте ес­­керілді.