Ғарыштан пайдалы қазба өндіру мүмкін бе?

Өзге ғаламшарлардан, аспан денелерінен пайдалы қазбалар өндіруге болатыны жайлы айтылып жүр. Қазіргі адамзаттың шынымен ғарышта осындай өндіріспен айналысуға мүмкіндігі бар ма?
Абзал Сатаев, Көкшетау қаласы
Ғалымдар бағалы металдар мен ми­нералдарды Жерден ғана емес, өзге ғаламшарлар мен астероидтерден де өндіруді ұсынып отыр. Ғарыш кеңістігін өнеркәсіп мақсатына пайдалануды 10 жылдан соң бастауымыз мүмкін.
ВВС-тің хабарлауынша, дәл қазіргі мез­гілде бұл мәселе Сиднейде талқы­ла­нып жатыр. Тың бастаманы ғылыми қауым мен ірі өнеркәсіптік компания же­текшілері көтерген. Ғалымдар зор шы­ғындар мен техникалық қиын­дық­тар­ға қарамастан, өзге аспан ден­е­ле­рін­дегі минералдар мен бағалы ме­тал­дар кеніштерін барлауды 2023 жылға қа­рай қолға алуға болатынын айтады. Ро­бот техникасының дамуы Ай мен кей­бір астероидтардағы пайдалы қаз­ба­лар орындарын Жерден барлауды же­делдетуі мүмкін.