Ғаламдық жылу неге апарады?

Мәңгілік мұз басып жатқан Арктика ғаламдық жылу құбылысын тудырып отырғанын білемін. Ол қазір қаншалықты еріді?
Асыл ҚОЙҒАБЫСОВ, Семей
Арктиканың мәңгілік мұз жамылғысы осы ғасырдың аяғына қарай еріп кетуі мүмкін. Сол­түстік мұзды мұхитта болып жатқан жағ­дайды зерттеуші америкалық ғалымдар осын­­дай тұжырым жасап отыр. Зерттеу нәтижесі бойынша, сарапшылардың ай­туына қа­­­ра­­ған­да, арктикалық мұздың еруі бұған дейін айтылған жылдамдықтан да тез жүріп жатыр. НАСА-ның (Аэронавтика мен ғарыштық кеңістік зерттеулері жөніндегі ұлт­тық басқарма) өкілдері 10 жылдағы Арктика мұзының еру жылдамдығы 9 пайыз, ал тем­пературасы Цельси көрсеткіші бойынша 1,3-ке артып отырғандығын анық­та­ған. 1979-2000 жылдар аралығындағы мәлім­ет бойынша зерттеушілер Бофорт пен Чу­­котский теңіздерінде мұздың ерекше еруін байқаған. Карск пен Шығыс-Сібір те­ңіздерінде де мұз­дың мөлшері азаюда. Арк­тиканы зерттеу жобасының жетекшісі Джозефино Комисо «Арктикадағы мұздың еруін дер кезінде тоқ­татпаса, ол тек осы аудандағы климатқа ғана емес, әлемдік мұ­хит деңгейіне әсері болмаса да, бүкіл ғаламшардағы климатқа әсер етеді» дейді.